Manny Pacquiao, gikumpirma nga dili exhibition ang rematch batok kang Mayweather sa Las Vegas

Gikumpirma ni boxing legend Manny Pacquiao nga dili usa ka exhibition match kondili usa ka tinud-anay nga professional fight ang ilang umaabot nga engkwentro batok sa iyang karaan nga karibal nga si Floyd Mayweather Jr.

Karong umaabot nga Septyembre 19, 2026, gikatakda ang maong “rematch of the century” nga ipahigayon sa high-tech nga venue nga The Sphere sa Las Vegas.

Matod pa sa kanhi eight division boxing champion, bisan pa og walay titulo nga nakataya niini, seryoso ang maong away ug opisyal kining maapil sa ilang tagsa-tagsa ka mga boxing records.