Hilabihan ang pagkadiskunto ug kaguol sa mga pamilya sa mga biktima sa “war on drugs” human wala motungha si kanhi Presidente Rodrigo Duterte sa gipahigayon nga confirmation of charges hearing sa International Criminal Court (ICC) niining Lunes, Pebrero 23.
Gitataw ni Atty. Joel Butuyan, ang abogado sa mga biktima, nga dako unta og tabang sa pagkab-ot sa hustisya kon miatubang ang kanhi presidente sa mga reklamo sa crimes against humanity nga gipasaka batok kaniya.
Dugang pa ni Butuyan, mihangyo sila sa tribunal nga dili ibasura ang kaso tungod kay kini na lang ang nahabiling paglaum sa mga naulila. Matud pa niya, bisan ang gobyerno sa Pilipinas miangkon nga lisod pamatud-an ang maong mga kaso sa lokal nga sistema sa hustisya.
Nakahukom si Duterte nga dili motambong sa pagpaminaw tungod sa iyang baruganan nga wala siya’y giila nga hurisdiksyon sa ICC.
Sa rekord sa gobyerno, moabot sa 6,200 ang napatay sa mga operasyon batok sa gidiling drugas, apan gibanabana sa mga human rights groups nga moabo