Viral karon sa tibuok kalibutan ang usa ka Japanese macaque nga ginganlag Punch-kun sa Ichikawa City Zoo tungod sa iyang kauban nga usa ka stuffed orangutan.Nasayran nga gibiyaan sa iyang inahan ang maong unggoy nga natawo pito ka bulan na ang milabay, mao nga daling milihok ang mga zookeeper aron matabangan ang iyang sitwasyon.
Sumala ni zookeeper Kosuke Shikano, normal lang sa mga Japanese baby macaque nga mugakos o mopilit sa ilang inahan para sa ilang seguridad ug panginahanglan, mao nga ilang gisugyot nga hatagan og companion o kauban ang gamatoy nga unggoy.
Gisuwayan pa sa mga zookeeper ang nagkalain-laing mga stuffed companion para sa unggoy lakip na ang mga nilukot nga tualya ug uban pang stuffed animals sa wala pa nila napili ang orange ug dakog mata nga orangutan nga gibaligya sa usa ka Swedish furniture brand.Sa video nga nikatap sa social media, kanunay nga makit-an nga dala-dala ni Punch ang stuffed toy bisan og mas dako pa kini kaniya.
Naghatag kini og kalipay sa mga fans nga mubisita sa zoo ug sa mga netizens nga natandog sa viral video.Matud ni Shikano, posibleng gibiyaan si Punch sa iyang inahan tungod sa grabeng kainit niadtong niaging Hulyo sa dihang gipakatawo kini.