Suspek sa kasong pagpangawat sa Manolo Fortich, nasikop sa mga otoridad

Mag-atubang og kasong pagpangawat ang usa ka lalaki human masikop sa joint operation sa kapulisan sa Zone 1, Barangay Maluko, Manolo Fortich, Bukidnon takna alas 9:30 sa buntag niadtong milabayang adlaw.

Ang dinakpan giila nga si Vincent Burdeus Cagaanan, 33 anyos, pinaagi sa warrant of arrest sa kasong Theft nga adunay girekomendang  piyansa nga P3,000.00.

Ang suspek anaa na karon sa kustodiya sa Manolo Fortich Municipal Police Station alang sa dokumentasyon ug ipatugyan sa korte nga nagpagawas sa mando sa pagdakop alang sa hustong disposisyon.