Gipahugtan sa Bangko Sentral ng Pilipinas kon BSP ang seguridad batok sa financial scams pinaagi sa pagpirma og information-sharing agreements kauban ang National Bureau of Investigation kon NBI, Cybercrime Investigation and Coordinating Center kon CICC, ug ang Securities and Exchange Commission kon SEC.
Gibahin ni BSP General Counsel Roberto Figueroa, ang mga kasabutan nga nagtugot sa pagpaambit sa impormasyon gikan sa Consumer Account Protection Office sa BSP aron matabangan ang imbestigasyon ubos sa Anti-Financial Account Scamming Act kon AFASA.
Ang NBI ug CICC, mahimong makagamit sa datos alang sa pagpalig-on sa kaso batok sa scam, samtang ang SEC makakuha niini alang sa regulasyon ug pagdumala sa reklamo sa konsumidor.
Gipasiugda ni BSP Deputy Governor Elmore Capule, nga ang kalampusan mag-agad sa hustong pagpatuman sa kasabutan, samtang gisiguro sa mga opisyal nga protektado gihapon ang bank secrecy ug data privacy.
Ang maong lakang tungod sa nagkataas nga kabalaka kabahin sa cyber-enabled fraud samtang nagkadako ang digital transactions sa nasud.