Gikalipay sa Filipino community sa Milan, Italy ang pagpili bag-ong Santo Papa gumikan kini nagpakita ug susamang pamatasan kay Pope Francis.
Sumala pa sa eksclusibong pakighinabi sa Bombo Radyo Malaybalay ngadto kang Edward Reyes, Bombo International Correspondent sa Italy, lakip ang mga Pilipino nga nag-atang sa resulta sa pagpili sa bag-ong Santo Papa.
Gani nagtoo si Reyes nga gigiyahan sa Esprito Santo ang 133 ka mga Cardinal maong nag pasalamat kini sa bag-ong santo papa gumikan nag hatag kini ug dakong tabang ilabi na natad sa kalinaw sa kalibutan.
Saysay pa ni Reyes, isa sa iyang gipangita kaniadto niadtong kamulo pa ang conclave mao ang Santo papa nga kayang ma konhuran ang kagubot sa kalibutan hilabi na nga dunay mga nasud karon nga anaa sa gubot nga kahimtang.
Naglaum usab sya ang ang bag-ong proklamang Santo Papa nga maka adto sa mga lugar hilabi kadtong nanginahanglan ug tabang tungod sa kalisod.