Sen. Hontiveros, gibarugan nga “atua ang West Philippine Sea” sa iyang pagbisita sa Pag-asa Island, nga kabahin sa Kalayaan Island Group (KIG)

Gibarugan ni Sen. Risa Hontiveros nga “atoa ang West Philippine Sea” sa iyang personal nga pagbisita niadtong Sabado, Pebrero 21, sa Pag-asa Island, usa sa mga isla sa Kalayaan Island Group (KIG).

Ang pagbisita sa isla kabahin sa selebrasyon sa iyang umaabot nga ika-60 adlaw’ng natawhan sa Pebrero 24.

Naghatag si Senadora og essential goods ug medical services alang sa mga Pilipinong sibilyan ug frontliners nga naka-istasyon sa isla.

Sa usa ka pahayag, gisulti ni Sen. Hontiveros nga ang iyang pagbisita sa Pag-asa Island usa ka pagpakita sa suporta ug pakighiusa sa katawhang Pilipino nga nagpuyo sa Kalayaan.