Nagpakita og kabalaka si Caloocan Rep. Edgar Erice sa paghinay sa ekonomiya sa Pilipinas, nga iyang gitawag nga resulta sa “kagubot sa politika” ug padayon nga isyu sa korapsyon.
Gipunting ni Erice, nga ang Gross Domestic Product (GDP) sa 2025 wala naabot sa target nga 5.7%, ug misobra lang og 4.5%, o kapin usa ka porsyento (1%) nga mas ubos.
Gibutyag usab niya nga posible pa kini nga mas ubos sa unang kwarter sa 2026 tungod sa dili maayo nga sitwasyon sa nasud.
Gihisgutan ni Rep. Erice ang epekto sa flood control scandal sa sektor sa trabaho, konstruksyon, ug uban pang kaangay nga industriya, diin nakasinati na og direktang kadaut ang pipila ka proyekto, lakip na ang paghunong sa dagkong infrastructure projects samtang nagpadayon ang imbestigasyon.
Sa aspeto sa politika, gibutyag usab niya nga naapektuhan ang pagsalig sa gobyerno gikan sa mga mamumuhunan tungod sa padayon nga political conflict tali sa administrasyong Marcos ug kampo ni Vice President Sara Duterte.