Andam ang gobyerno sa Pilipinas nga palapdan pa ang pakig-uban niini sa nasud sa Japan kon negosyo ug pamatigayon ang hisgutan.Ang Japan mao ang ikaduhang kinadak-ang trading partner sa Pilipinas, diin niabot sa P1.27 trilyon ang kantidad sa nakuha nga trade sa miaging tuig.
Gipadayag ni Executive Secretary Ralph Recto ang interes alang sa dugang negosyo dungan sa 42nd Annual Joint Meeting of the Economic Cooperation Committees of the Philippines and Japan.
Matud ni Recto, andam ang Pilipinas nga makig-atubang sa mga Japanese partners pinaagi sa paghatag og tin-aw nga mga lagda.Usa usab ang Japan sa nag-unang tinubdan sa foreign direct investments nga nagpasulod sa nasud og P42.5 bilyon sa unang 11 ka bulan sa tuig 2025.
Gawas sa negosyo, gitinguha usab sa Palasyo nga mas mulig-on ang partnership sa turismo human narekord ang 407,000 ka Japanese nga nibisita sa Pilipinas, samtang 825,000 ka mga Pinoy usab ang nibisita sa Japan sa susamang panahon.