Kumpyansa ang administrasyon ni Marcos sa kusog nga koleksyon sa kita bisan pa walay dugang buhis nga gipatong, aron makontrola ang kahimtang sa pagpangutang sa laing nasud.
Subay sa datos nga gipagula sa Bureau of the Treasury (BTr), natala nga ang utang sa nasud miabot na sa P16.68 trilyon sa Marso, mas taas og 0.31 porsyento tandi sa Pebrero.
Sukad pagsugod sa tuig, misaka ang utang og 4.11 porsyento o katugbang sa P632.68 bilyon nunot sa dugang nga foreign obligations.
Gawas niini, mukabat sa P60.84 bilyones ang pagkunhod matud pa sa utang sa nasud, gumikan nabayran na sa gobyerno ang pipila niini.
Sumala pa, kini nga pagkunhod nakabawi na sa 1.39 porsyento nga pagsaka sa lokal revenue diin mukabat na lamang og P11.38 trilyon.
Mihangyo ang gobyerno sa mga lokal lender og P157.86 bilyon aron ibayad una sa foreign obligations nga maong hinungdan sa pgkunhod sa datos sa maong mga obligasyong langyaw.
Gibutyag sa Treasury nga makapadayon ang gobyerno sa pagdumala sa utang bisan walay bag-ong buhis, human nga gibawasan sa Department of Finance (DOF) ang ilang proposal sa pagtaas sa capital gains tax, donor’s tax, ug estate tax.
Gumikan sa maong buhis mamahimong makolekta ang P300 bilyon ka pesos hangtod sa tuig 2030.
Bisan pa man sa maong impormasyon, nakadawat gihapon og mga kritikismo sa social media ang maong ahensya labi na duol na ang piniliay sa Mayo.
Gumikan sa maong hagit, gibawi kini sa Department of Finance (DOF) ug giawhag ang kagamhanan sa gobyerno nga hunungon na ang pagpahamtang og taas nga buhis.