Napakyas ang bag-ohay lang nga panagtagbo sa Russia ug Ukraine didto sa Geneva, Switzerland, human ang duha ka nasud wala makaabot og kasabutan alang sa kalinaw. Sa duha ka adlaw nga diskusyon nga gipasiugdahan sa Estados Unidos, parehong nirepante ang duha ka panig nga “lisod” ang dagan sa istorya ug layo pa sila sa tinuod nga settlement.
Matud pa ni Ukrainian President Volodymyr Zelenskyy, “dili pa igo” ang resulta sa maong pulong. Iyang giakusahan ang Russia nga gituyo og langan-langan ang negosasyon samtang nagpadayon ang mga pag-atake sa ilang teritoryo. Bisan tuod og adunay gamay nga pag-uswag sa hisgutanan bahin sa “ceasefire monitoring,” nagpabiling dako ang deperensya sa ilang baruganan bahin sa pagpanag-iya sa yuta ug seguridad.
Sa pikas bahin, gihulagway sa Russian delegation ang panag-istorya nga “tough but businesslike.” Samtang walay klarong breakthrough nga nahitabo, gilauman nga magpahigayon og laing hugna sa panagpulong ang duha ka nasud sa umaabot nga mga adlaw aron padayon nga sulbaron ang krisis.