Alex Eala abante na sa quarterfinals sa Dubai Open

Misulod na sa quarterfinals sa Dubai Tennis Championships ang Pinay tennis star nga si Alex Eala.

Nagmalapuson kini human niya ma-sweep ang duwa batok kang Sorana Cirstea sa iskor nga 7-5, 6-4.

Natapos sa 20-anyos nga si Eala ang duwa batok sa world number 32 nga Romanian player sulod sa usa ka oras ug 38 minutos.

Sa unang set, hawid sa Romanian player ang labaw nga iskor nga 4-5, apan wala miatras si Eala hangtod nga nakontrol niya ang dagan sa duwa.

Sa pagsulod sa ikaduhang set, gidala gihapon ni Eala ang momentum ug hingpit nga napildi si Cirstea.

Nagpasalamat usab si Eala sa mga fans nga nitambong sa duwa, nga matud niya usa sa naghatag og dugang kusog kaniya.

Sunod nga atubangon ni Eala sa quarterfinals ang world number 4 nga si Coco Gauff.