Gilauman nga mokabat sa kapin 9,500 ka mga delegado gikan sa tibuok rehiyon sa Northern Mindanao ang mosalmot sa probinsya sa Bukidnon alang sa Northern Mindanao Regional Athletic Association (NMRAA) 2026.
Kini ang gibutyag ni Said Macabago, ang Public Schools District Supervisor ug Division Information Officer sa DepEd Bukidnon, ang maong ihap mas taas kaysa sa unang gibana-bana nga 8,000 ka partisipante human nagkumpirma ang tanang delegasyon sa ilang pagsalmot.
Kasamtangan, gibutyag ni Macabago nga anaa pa sa 50 porsyento ang lebel sa preparasyon sa DepEd Bukidnon isip host, apan padayon ang ilang pakig-alayon sa mga lokal nga kagamhanan sa Valencia City ug Malaybalay City aron maseguro ang kalampusan sa dula.
Gawas sa main sports complex, gamiton usab ang mga pasilidad sa Valencia City Gymnasium, Robinsons Place Valencia alang sa table tennis ug gymnastics, NVM Farmers Market Mall alang sa billiards ug uban pang mga covered court sa Barangay Lu mbo ug Bagontaas