Gisugdan na ang pagbansay sa pipila ka atleta nga mga deligado nga nagikan sa pipila ka bahin sa rehiyon 10 lakip na sa Bukidnon alang na sa umaabot nga Northern Mindanao Regional Athletic Association kon (NMRAA) 2026.
Matud ni Maiko T. Molina- assistant coach sa athletics secondary boys gikan sa dakbayan sa Valencia nga hugot ang ilang pagbansay sa alang sa umaabot nga pakigsangka sa NMRAA meet nga ipahigayon karong Marso 18 hangtod 24 ning tuig.
Dugang pa ni Molina nga gipaningkamutan nilang maka-ensayo pag-ayo sa duha ka adlaw nga gihatag kanila sulod sa isa ka semana maong sports complex aron mahatagan usab ang uban og higayon nga makabanasay sa wala pa ang torneo.
Lauman nga mukabat sa kapin 700 ang kinatibuk-ang delegado gikan sa dakbayan sa managlahing sports event apan anaa lamang matud pa sa 50 ang musalmot sa matag event sama sa Track and Field ug ang matag atleta napili pinaagi sa nagkalain-laing dula sa lahi-lahi usab nga lebel bag-o nakaabot ug makasalmot sa NMRAA 2026.
Subay niini, andam na usab ang lokal nga kagamhanan alang sa pag-abli sa maong event ug pagdawat sa tanang delgado nga mupartisipar sa ipahigayon nga kalihukan.