Posibleng ideklarang Insurgency-Free ang Bukidnon human sa pagkamatay sa dagkong opisyal sa New People’s Army kon (NPA) nga nakabangga sa militar sa sunod-sunod nga mga operasyon o clearing operations sa mga kabukiran.
Matud ni LtCol. Jeorge Jalorina, Commanding Officer sa 8th Infantry Battalion, aduna na lamang pipila ka miyembro ug lideres sa walahong grupo ang nahibilin diin padayon pang ginagukod sa ilang banay aron hingpit na nga masumpo ang maong pundok.
Gipasalig sa opisayal nga sa higayong ma-neutralize ang maong mga personalidad madeklara nang insurgency free ang lalawigan sa Bukidnon.
Kahinumduman nga niabot na sa 403rd Infantry Brigade sa Malaybalay ang patay’ng lawas ni alyas “Tado” human sa serye sa engkwentro batok sa tropa sa 8th Infantry Battalion sa Sitio Tacocon, Barangay Kasapa II, La Paz, Agusan del Sur.
Saysay ni LtCol. Jeorge Jalorina, Commanding Officer sa 8IB, si “Tado” usa sa mga priority target sa militar ug dugay nang ginabantayan, samtang gibanabana nga mokabat sa 15 ka miyembro sa grupo ang naka-engkwentro sa tropa sa gobyerno.
Narekober sa dapit ang usa ka M16 A1 rifle ug gikumpirma nga walay casualty sa bahin sa militar, samtang padayon ang brigade-wide operations batok sa nahibiling pwersa sa rebelde.