Gibutyag sa Office of the Ombudsman nga buot usab pasakaan sa Department of Public Works and Highways og kaso ang bana ni Sarah Discaya nga si Pacifico ‘Curlee’ Discaya kalabot sa anomalosong flood control project.
Matud ni Assistant Ombudsman ug Spokesperson Atty. Mico F. Clavano, kini human nakadawat og manifestation ang departamento pinaagi ni Department of Public Works and Highways Sec. Vince Dizon.
Sigon niini, nga buot niining ilakip si Curlee Discaya sa partikular nga kaso sa malversation ug graft nga adunay kalabotan sa 96.5 milyones ka pesos nga ghost flood control project sa Davao Occidental.
Dugang pa ni Ombudsman Spokesperson Clavano, nga ang rebelasyon gikan sa mga pamahayag o affidavit sa lain-laing mga indibidwal nga nagpakita nga si Curlee Discaya adunay ‘beneficial ownership’ o adunay kontrol sa mga kompanya nga nalambigit sa anomaliya.
Sumala niini, nga ang pagka ‘beneficial owner’ ni Discaya mahimong magpasabot nga kini ang nagpirma sa ngalan sa mga korporasyon bisan og dili kini ang nabutang sa mga dokumento sa kompanya.
Mamahimo matud usab nga kini ang naghatag og mga mando sa mga tao sa kompanya nga nalambigit sa anomaliya o kaso.Tungod niini, makonsidera nga kining mga kalihokan sa pipila ka mga indibidwal makonsiderar nga ‘beneficial owners’ sa kompanya.
Samtang giangkon sa maong opisyal nga hagit kanila ang maong matang sa kaso tungod wala mabutang ang mga pangalan sa mga nalambigit sa korporasyon.
Hinungdan nga mapasalamaton kini sa mga tao nga nakig-alayon sa Office of the Ombudsman sa pag-ila sa mga akusado nga maoy tinuod nga beneficial owners sa mga kompanya o korporasyon.