Gibutyag ni Director Renato Magbutay, nga igo ang Automated Counting Machine (ACM ) alang sa eleksiyon.
Gipasalig sa direktor nga 98% na nga galihok ang mga makinarya ug kon duna may mga ginagmay nga aberya, makasiguro kini nga maaksyonan ug mapulihan sa daling panahon.
Gisaysay usab niini nga ang tuyo ug tumong sa pagpahigayon og final testing and sealing, aron masuta ang mga aberya ug kakulangon.
Dugang pa niini nga dili angayan mabalaka sa higayong dunay aberya sa makinarya mahitungod duna nay nakaistambay nga teknikal hub inubanan sa DOST sa matag probinsiya aron dali maaksyonan ang mga kakulian.
Gibutyag usab niini, nga dunay nahitabong pag-ilis sa electoral board sa Lanao diin nasayran nga ang ubang maestra dunay paryente nga politiko ug dali kining giaksyonan ug nailisan sa COMELEC.
Giawhag usab ni Magbutay ang electoral board nga dili maglabot-labot sa politika ug subayon ang rule and regulation.