Hilabihan ang pagbangutan sa pamilya sa namatay human nadisgrasya ang usa ka pribadong van sa Sitio Quisumbing, Impalutao Impasugong, Bukidnon, alas 4:30 ganinang kadlawon.
Sa pakighinabi sa Bombo Radyo Malaybalay kang Joy Faith Obsioma, Head Officer sa LDRRMO Impasugong nga naglambigit ang usa ka pribadong van ug trak sa maong insidente.
Gani, una matud pa nga nakaresponde ang barangay volunteers kon BDRMC ug daling gidagan sa LDRRMO rescue team pasado alas 4:46.
Nasayran sa inisyal nga imbestigasyon nga dunay 6 ka mga indibidwal nga sakay sa pribadong van ug dunay usa ang kumpirmadong gideklarang dead on arrival ang drayber sa van, base sa Municipal Health Office.
Dugang pa ni Obsioma, ang maong lugar sa aksidente usa ka accident prone area.
Nasayran sab nga nanubay ang van gikan sa Cagayan de Oro paingon sa Don Carlos. Kasamtangang, nakigkoordina ang Impasugong rescue team ngadto sa kapulisan alang sa kinatibuk-ang impormasyon.