Record-high trust fund, tubag sa 10,000 nga dugang scholarship slots alang sa OFW dependents

Gianunsyo ni Patricia Yvonne Caunan, administrator sa Overseas Workers Welfare Administration (OWWA), ang pag-abli sa dugang 10,000 ka scholarship slots alang sa mga kwalipikadong dependents sa OFWs ug seafarers.

Nahimong posible kini human miabot sa P21.3 billion ang trust fund sa ahensya, nga mao na ang pinakataas nga pondo sa kasaysayan niini.

Kini usab ang pinakadako nga pondo nga naitala sa OWWA sulod sa kapin upat ka dekada.

Gidugang ang scholarship slots gikan sa kasamtangang 15,000 isip tubag sa direktiba ni Ferdinand Marcos Jr. aron mapalig-on ang suporta sa mga pamilya sa OFWs.

Tumong sa programa nga matabangan ang dugang kabatan-onan nga makapadayon sa ilang pag-eskwela pinaagi sa tabang pinansyal gikan sa gobyerno.