Gipadayag ni Panfilo Lacson, Senate President Pro Tempore, nga giduso niini ang pormal nga dayalogo tali sa Senado ug Chinese Embassy aron mapahupay ang tensyon sa isyu sa West Philippine Sea.
Matud niini, mahimong ipahigayon ang panagpulong sa Senado, embahada, o sa neutral nga lugar aron hisgutan ang mga angay klarohon.
Ang inisyatiba nunoy sa pamahayag ni Chinese Ambassador to the Philippines Jing Quan nga andam kini makigdayalogo sa mga lider sa Pilipinas.
Gitawag ni Sen. Lacson nga maayong timaan ang kahanduman sa embahador ug plano niining isugyot kang Senate President Vicente Sotto III ang pag-imbitar sa mga Chinese diplomat, subay sa nagpadayon nga diplomatic ties ug One China policy sa nasud.
Apan sa laing bahin, nanawagan si Sen. JV Ejercito sa pag-recall sa Chinese ambassador, gikaingong ang mga pamahayag niini nagpalala sa tensiyon tali sa Pilipinas ug China. [
Gisuportahan usab kini ni Sen. Raffy Tulfo, nga mitumbok nga mas agresibo ug sensitibo ang kasamtangang embahador ug mas makapahimsog sa relasyon sa duha ka nasud ang pagtudlo og mas diplomatikong bag-ong ambassador.