Nagtuo si National Security Adviser Eduardo Año nga dili angay buwagon ang National Task Force to End Local Communist Armed Conflict (NTF-ELCAC).
Sumala ni Año, inay nga buwagon, mas labing maayo og suportahan kini tungod sa mga kalampusan nga naangkon sa ilang kampanya batok sa insurhensiya sa pagsumpo sa mga Local Communist Terrorist Group sa unang bahin sa 2025.
Gipanghambog ni Año ang mga lagyong barangay nga naabtan sa Barangay Development Program, nga maoy prior projects sa task force. Sigon niini, nakahimo kini sa pagpaayo sa kahimtang sa mga komunidad ug sa pagdasig sa padayon nga kalamboan sa ekonomiya, bisan pa ilawom ang nasud sa impluwensya sa mga rebelde.
Lakip sa ilang mga kalihokan mao ang panag-uban sa Local Amnesty Boards, nga nakapadasig sa daghang mga rebelde nga mubalik sa sabakan sa gobyerno.
Gihatagan usab og kahigayunan ang mga kanhing rebelde nga makab-ot ang mas maayong kaugmaon, mabalik sa ilang pamilya, ug makatukod og mas malinawon nga komunidad pinaagi sa interbensyon sa NTF-ELCAC.
Gipasiugda ni Año nga nahimong instrumento ang task force aron mapaduol ang gobyerno sa mga kanhi rebelde ug maprotektahan ang mga komunidad gikan sa posible nga pagbalik sa impluwensya sa rebelyon.