Padayon gihapon ang imbestigasyon sa kapulisan sa pagkamatay ni Lullete Jane Ramilo‑De Guzman, 32, kanhi Miss Philippines‑Earth 2013 runner‑up ug public school Teacher.
Kahinumdoman nga gipusil patay kini sa atubangan sa balay niini sa Barangay Cabaritan kaniadtong Biyernes sa gabii, Pebrero 13, 2026.
Sumala sa kapulisan, naglingkod kini sa sulod sa sakyanan niini kauban ang tulo ka anak sa dihang miduol ang usa o duha ka suspek sakay sa motorsiklong wala’y plaka ug gipusil kini, nga nagresulta sa kamatayon.
Wala pa’y klarong motibo o nadakpan nga suspek, ug ang kapulisan nagpadayon sa pagpangita sa mga responsable ug sa pagproseso sa ebidensya.
Samtang nanawagan usab ang inahan niini nga si Florida Ramilo sa hustisya alang sa anak niini ug natingala nganung nahitabo kini gumikan gihulagway niini ang anak nga usa ka buotan ug responsable.