Nagbalaka si Taiwanese President Lai Ching-te sa mga nasud sa Indo-Pacific nga mahimong sunod nga target sa China kon masakop nila ang teritoryo sa Taiwan.
Sa usa ka panayam sa Presidential Office Building sa Taipei, giingon ni Lai nga kon mahimong annex sa China ang Taiwan, dili mohunong ang China sa pagpalapad sa ilang mga ambisyon.
Gisulti ni Lai nga ang sunod nga mga nasud nga posibleng mabutang sa peligro mao ang Japan, Pilipinas, ug ubang mga nasud sa rehiyon, ug posibleng makaapekto kini sa Americas ug Europe.
Gidugang ni Lai nga bag-ohay lang, gipangtang-tang sa pipila ka Chinese generals gikan sa militar sa China, usa ka dili kasagaran nga panghitabo.
Bisan pa niini, nagpabilin nga lig-on ang Taiwan ug nagpadayon sa ilang preparasyon.
Kahinumduman, nga mibahad sii Chinese President Xi Jinping sa Amerika batok sa pagbaligya og armas sa Taiwan, ug mubarog ang US sa Taiwan ug dili kini gamiton nga “bargaining chip” sa China.