Padayon karong nakakuha og dakong atensyon ang Mount Oten nga nahimutang sa Kibungan, Benguet gikan sa mga hikers ug mga adventure seekers isip usa ka nindot nga destinasyon alang sa umaabot nga Valentine’s Day.
Kini tungod sa gihimong pagpalambo sa mga lokal nga opisyal sa maong dapit aron mas mapanindot pa ang kasinatian sa mga bisita nga gusto makakita sa matahum nga talan-awon ug makasinati sa bugnaw nga klima sa bukid.
Ang Mount Oten mao ang pinakataas nga bukid sa lungsod sa Kibungan, diin kini adunay gitas-on nga kapin 1,980-metros ibabaw sa lebel sa dagat (sea level). Gikan sa tumoy niini, makita ang malinawon ug halapad nga hulagway sa Cordillera mountain range, hinungdan nga giisip kini nga perpekto alang sa mga “lovers” nga nangita og romantic ug adventurous nga date karong adlaw sa mga kasing-kasing.