Alex Eala, napakyas sa unang round sa Qatar Open

Wala palara sa swerte ang Pinay tennis star nga si Alex Eala human kini matagak sa unang round sa Qatar Open batok sa Czech player nga si Tereza Valentova, 6-7, 1-6.

Bisan pa sa nindot nga pakigbisog ni Eala sa unang set nga miabot pa og tiebreak, nakuha ni Valentova ang momentum sa ikaduhang set hangtod nga hingpit kining midaog. Kini na ang ikaduhang sunod-sunod nga kapildihan ni Eala batok sa maong kaatbang sulod sa upat ka bulan.

Bisan pa sa maong resulta, dako ang pasalamat ni Eala sa mga fans nga miabiba kaniya didto sa Doha. Gikatakdang mosalmot ang Pinay ace sa Dubai Duty Free Tennis Championships sa sunod semana aron pagsulay og bawi.