Gibarugan sa Armed Forces of the Philippines kon AFP ang baruganan nga dili isurrender ang bisan usa ka pulgada sa teritoryo sa Pilipinas nunot sa pamahayag ni Senador Rodante Marcoleta nga gikaingong nagsugyot sa pagsurender sa Kalayaan Island Group kon KIG tungod sa tensyon sa China.
Matud sa tigpamaba nga si AFP for the West Philippines Sea Rear Admiral Roy Vincent Trinidad, ang mandato sa Armed Forces of the Philippines mao ang pagpanalipod sa soberanya ug integridad sa nasud.
Lakip sa teritoryo nga gipanumpaan nga panalipan sa AFP ang Kalayaan Island Group ug Bajo de Masinloc, nga ginaangkon na usab sa laing nasud.
Sigon ni Rear. Adm. Trinidad, dili magpanuko ang AFP sa pagtuman niini nga mandato ug napamatud-an na kini sa tibuok kasaysayan.
Kahinumduman nga sa miaging semana, si Sen. Marcoleta miluwat sa Committee on Appointments nga ang KIG kinahanglan nga “i-surrender,” apan giklaro niini nga ang pamahayag “taken out of context”.
Gisalikway usab ni Senate Majority Leader Miguel Zubiri ug Senate President Pro Tempore Ping Lacson ang ideya sa pagsurender sa teritoryo ug miinsister nga klaro ang prinsipyo nga ang Pilipinas, lakip ang West Philippine Sea ug ang Kalayaan Island Group, dili mahimong isurrender.