Nakadawat og pagsaway gikan sa mga opisyal ug sa publiko si Sen. Rodante Marcoleta human kini nisugyot nga i-surrender na lang sa Pilipinas ang Kalayaan Island Group (KIG) sa West Philippine Sea.
Atol sa hearing sa Commission on Appointments niadtong Pebrero 4, 2026, Matud ni Sen. Marcoleta nga ang Kalayaan Island Group wala nasulod sa Exclusive Economic Zone (EEZ) sa nasud. Saysay pa nini, dili makiangayon nga isakripisyo ang kinabuhi sa mga Pilipino alang sa teritoryo nga anaa sa gawas sa EEZ.
Apan daling gisupak ni Senate President Pro Tempore Panfilo Lacson ang maong baruganan. Giklaro ni Sen Lacson nga ang pag-surrender sa Kalayaan Island Group sama ra sa pagtugyan sa tibuok nasud ngadto na sa uban. Gigamit ni Sen. Lacson ang legal nga prinsipyo nga dunay katungod ang Pilipinas sa teritoryo human kini gi-turn over ni Thomas Cloma ngadto sa gobyerno.
Gawas sa Senado, gi-imbitar usab ni PCG Spokesperson Commodore Jay Tarriela si Marcoleta sa pagbisita sa Pag-asa Island aron makita ang aktibong komunidad sa mga Pilipino didto. Sa social media, daghan usab ang nagpahayag og “traydor” batok sa senador tungod sa iyang pamahayag.
Kasamtangan, gilihok na sa Senado ang “West Philippine Sea Education Act” aron masiguro nga ang mga kabatan-onan adunay sapat nga kahibalo mahitungod sa maritime territories sa Pilipinas