Gipahibalo sa Department of Agriculture ang pagpatuman sa Village-Type Feed Complete Chain Project kon VFCCP nga tumong pasakaan ang produksyon sa mais ug kahayupan ug mapaminusan ang gasto sa feeds.
Matud ni Agriculture Secretary Francisco P. Tiu Laurel Jr., nga Ilawom sa programa, ang mga farmers’ cooperatives ug associations ang magdumala sa tibuok feed system gikan sa produksyon sa mais ug forage, pagproseso, hangtod sa feed milling ug Total Mixed Ration preparation.
Ang matag kwalipikadong proyekto mahimong makadawat og tabang pinansyal nga mokabat og hangtod P40 milyon, nga unang pondohan gikan sa National Livestock Program.
Gibanabana sa DA nga ang usa ka VFCCP enterprise mahimong makab-ot og pagtaas nga P38.9 milyon nga kita matag tuig, batok sa P30.7 milyon nga gasto, nga maghatag og net income nga mga P8.2 milyon aron mapalig-on ang lokal nga produksyon sa kahayupan ug kita sa mag-uuma.