Nisaka na sa 32 ang gidaghanon sa mga namatay samtang kapin sa 160 ang nasamdan sa usa ka suicide bombing nga nahitabo sa Shiite Muslim mosque sa Islamabad, Pakistan.
Giangkon sa Islamic State (IS) ang responsibilidad sa maong pag-atake ug ilang gipagawas ang ngalan ug hulagway sa giingong suicide bomber pinaagi sa ilang mga post sa usa ka online messaging app (Telegram).
Sumala sa IS, gipusil una sa suicide bomber ang mga gwardiya nga misulay pagpugong kaniya, sa dili pa niya gipabuto ang iyang explosive vest.
Sa usa ka pamahayag, nagpasidaan ang grupo nga mosunod pa ang mga pag-atake.
Matud pa, giisip kini nga pianakalilisang nga pag-atake sa Pakistan sukad Enero 2023, dihang gipabuto ang usa ka mosque sa northwestern city sa Peshawar nga mikalas sa kinabuhi sa kapin sa 100 indibiwal.