Nagpahimangno ang Land Transportation Office (LTO) Region 10 nga posibleng ipatuman ang hugot nga pag-require og drug test result sa mga drayber sa umaabot nga mga adlaw. Matod pa ni LTO-10 Regional Director Nelson Manaloto, iyang giingon nga ilang gikonsiderar ang pagpangayo og negatibong resulta sa drug test isip usa sa mga basihanan sa pagtugot sa drayber nga makabiyahe o makaproseso sa ilang lisensya.
Dugang pa niini ginasusi pa kini nga palisiya, ug posible kini ipatuman aron mapalig-on ang seguridad sa kadalanan ug malikayan ang disgrasya, Iyang usab gipasabot nga ang tumong sa plano mao ang pagpangandam batok sa mga drayber nga posibleng nagagamit og iligal nga droga, ilabi na sa mga nagadrayb og pampublikong sakyanan.
Hangtod karon, wala pa kini opisyal nga gi-implementar, apan gi-awhag na sa LTO-10 ang tanang drayber nga mag-andam og motuman sa mga posibleng bag-ong regulasyon alang sa kayuhan sa tanan.