Giakusahan ni Bise Presidente Sara Duterte ang administrasyong Marcos nga gigamit ang ilang pamilya isip pang cover-up aron tabunan ang mga anomalya ug mga problema sa gobyerno.
Sumala sa bise presidente,nga ang gipanghimo nga pag-atake batok sa ilang pamilya namugna sa administrasyon aron dili mabulgar ang tinuod nga mga isyu sa nasud, lakip niini ang isyu sa iyang igsuon nga si Cong. Paolo Duterte.
Dugang pa niini, ang mga pamaagi sa administrasyon mao’y usa ka paagi aron malikayan ang pagtan-aw sa katawhan sa mga kapakyasan sa gobyerno.
Dili kini angay buhaton, gumikan ang tinud-anay nga problema mao ang mga kalapasan sa sistema sa atong nasud. Sa nagpadayong isyu nga gikaatubang sa pamilyang Duterte, adunay mga rason ug walay kalabutan kini sa personal nga interes.
Pinaagi sa mga isyu sa ilang pamilya, gipakita lamang sa administrasyon nga walay gibuhat ang gobyerno aron sulbaron ang mga problema sa ekonomiya ug uban pang mga sektor.
Gani, ang maong mga taktika dili makapauswag sa nasud, apan magpadayon lamang sa pagpalayo sa mga tinuod nga isyu nga kinahanglan seryosohon sa gobyerno.