Nagpadayon ang pagsaka sa garbo sa Pilipinas nga si Alex Eala sa kalibutan sa tennis human siya nakab-ot og bag-ong career-high nga rank no. 45 sa pinakaulahi nga Women’s Tennis Association (WTA) rankings niadtong Lunes.
Kini nga pagsaka sa ranking nahitabo sa wala pa ang iyang pagsalmot sa Abu Dhabi Open karong semanaha, diin gikatakdang makigsangka siya ni Zeynep Sonmez sa Turkiye sa Round of 32 karong adlawa.
Gikan sa iyang kanhi ranking nga no. 49, nisaka si Eala sa no. 45 human siya nakatigom og 1,163 puntos.
Ang 20-anyos nga si Eala bag-o lang gikan sa Philippine Women’s Open didto sa Manila, diin napildi siya sa quarterfinals batok sa nahimong kampiyon nga si Camila Osorio sa Colombia.
Sa pagkakaron, nakapokus na si Eala sa Abu Dhabi Open sa tinguha nga makuha ang iyang unang titulo karong tuig 2026.