Gipalapdan sa lokal nga pangagamhanan sa Malaybalay City ang dakong pasidungog human nahimong usa sa mga destinasyon sa Archdiocese of San Francisco Filipino Ministry alang sa Philippine Pilgrimage 2026.
Matud ni Malaybalay City Mayor Jay Warren Pabillaran, ang matag bisita nga moabot sa siyudad nagdala og dugang oportunidad sa mga pamilya ug lokal nga negosyante, hinungdan nga dakong bili alang sa komunidad ang maong kalihukan.
Mainiton nga gidawat sa mayor uban ang mga lokal nga kawani sa syudad ang mga bisita alang sa maong kahigayunan.
Hugot usab nga gitumbok niini ngadto sa mga dumuduong ang kamahinungdanon sa agrikultura isip nag-unang tinubdan sa panginabuhian sa mga lumulupyo sa syudad sa Malaybalay.
Gilauman usab nga mas lig-on kalihukan matag tuig ang pilgrimage aron mapakita sa mas daghang bisita ang lokal nga mga produkto, kultura, ug ang kaanindot sa Malaybalay City.