Giduso sa Senate Committee on Social Justice, Welfare, and Rural Development ang reporma sa sistema sa ayuda sa gobyerno, lakip ang pagkunhod o pagkulang sa mga dokumentong gikinahanglan ug pagpugong sa pamulitika sa pag-apod-apod niini.
Sa pagdungog sa komite, matud ni Chairperson Senador Erwin Tulfo, tumong sa sugyot ang paghimo nga mapermanente na ang Assistance to Individuals in Crisis Situation kon AICS sa Department of Social Welfare and Development kon DSWD ug lakip na nga pasayunon ang proseso sa pagkuha sa maong hinabang.
Ubos sa maong sugyot, duha na lamang ka dokumento ang kihanglanon hiilabi na sa medical assistance, diin usa ka valid ID ug hospital bill o medical record, ug wagtangon ang mga requirement sama sa Certificate of Indigency, barangay clearance, notarized affidavit, Social Case Study Report, ug uban pa.
Sigon ni Tulfo, nga ang kasamtangang sistema dili lamang langay appan nahimo na nga pagpamulitika tungod sa obligadong pagkuha og indigency certificate sa barangay nga adunay pangalan sa mga lokal nga opisyal.
Gikompirma sa DSWD nga kung mapasar ang maong sugyot balaodnon, ipataas ang AICS isip usa ka bulag nga bureau aron mapauswag ang implementasyon sa programa.
Samtang, gihagit ni Sen. Tulfo ang Department of the Interior and Local Government nga istriktong ipatuman ang pagdili sa presensya sa mga politiko sa paghatag og ayuda, subay sa 2026 General Appropriations Act, lakip ang DILG Memorandum Circular No. 2026-066 nga nagdili sa pagbutang sa pangalan ug hulagway sa mga opisyal sa tanang programang ginapondohan sa gobyerno.