Subling giklaro sa usa ka legal expert nga ang gihimong pagbasura sa korte suprema sa impeachment case ni Vice president Sara Duterte adunay basehan ug wala malakalapas sa balaod.
Matud ni Atty. Proculo Sarmen, usa ka legal expert, nga ang desisyon sa Supreme Court parte sa balaod isip kabahin na kini ilang katungdanan nga sutaon ug beripikahon ang mga nakalatid sa konstitusyon sa tanang matang sa kaso ug alegasyon batok sa bisan kinsang indibidwal o institusyon.
Dugang pa sa abogado, ang “CHA-CHA” kon Charter Change nga buot mugnaon sa Kamara nagtumong lamang sa pag-usab procedural process nga pagahimuon sa kongreso.
Lakip usab matud pa niini ang hungihong nga imposible na nga adunay pay mahitabong impeachment busa gihingisgan sa pipila ka mambabalaod nga usbon ang gilatid sa konstitusyon.
Apan hingpit nga gipasabot niini nga gihimo sa Supreme Court ang maong desisyon gumikan sa kapakyasan sa kongreso nga subayon ang due process diin nagtinguha nga diretsohon ang dagan sa impeachment nga nagpakita sa pag-abuso sa gahum.