Plano sa Katolikong Simbahan sa Rehiyon 10, nga makigduyog ug aktibong mosalmot sa kasaulogan sa ika-40 nga anibersaryo sa EDSA People Power Revolution sa umaabot nga Pebrero 25, 2026.
Sa eksklusibong pakighinabi sa Bombo Radyo Malaybalay kang Most Rev. Noel P. Pedregosa, D.D., Obispo sa Diocese of Malaybalay, gibutyag niini nga pipila ka mga simbahang Katoliko ang nagplano sa paglocalize sa selebrasyon aron mas duol ug masabtan sa lokal nga komunidad ang kahulogan sa EDSA People Power.
Matud pa sa Obispo, dako og papel ang pagtuo sa paghulma sa konsensya sa katawhan ug sa pagpalig-on sa panawagan alang sa kausaban nga nakabase sa moralidad ug kamatuoran.
Lakip sa gilauman nga makig-alayon sa maong selebrasyon ang nagkalain-laing civil society organizations, uban sa partikular nga paghatag og importansya sa aktibong partisipasyon sa kabatan-onan.
Gipasiugda usab ang pagpanalipod sa nasud batok sa korapsyon, pagpalig-on sa transparency ug accountability sa pang-gobyerno.