Mag-uuma, nasikop tungod sa paghupot og illegal nga mga armas sa Damulog, Bukidnon

Nasikop ang usa ka mag-uuma human sa gipahigayon Search and Seizure Warrant batok niini sa Purok 6, Sitio Kilaolao, Barangay Migcawayan, Damulog, Bukidnon.

Ang dinakpan mao si Romulo Monelar Villarosa, 49 anyos, minyo, ug residente sa maong lugar.

Gidakop kini tungod sa paglapas sa Comprehensive Firearms and Ammunition Regulation Act.

Sa maong operasyon, nakumpiska sa kapulisan ang duha ka bala sa .38 revolver, duha ka bala sa .45 caliber pistol, ug unom ka bala sa .22 caliber pistol.

Samtang giandam na usab ang kaso batok sa niini diin gidala na kini ug ang nakumpiskang mga ebidensya sa Damulog Municipal Police Station alang sa dokumentasyon ug hustong disposasyon.