Malacañang, gibutyag nga wala na’y gilauman nga paglugay sa gabinete ni PBBM – Castro

Gipaniguro sa Palasyo sa Malacañang nga wala na’y mahitabo nga paglugay o pag-ilis sa mga sakop sa gabinete ni Pangulong Ferdinand Marcos Jr.

Kini human gibutyag ni Palace Press Officer USec. Claire Castro nga isumite na ngadto sa Commission on Appointments (CA) ang mga pangalan sa mga kalihim sa nagkadaiyang departamento sa gobyerno.

Ang maong pahayag gihimo human gisaway ni Senador Rodante Marcoleta ang kamatuoran nga kadaghanan sa mga miyembro sa gabinete nagpabilin pa gihapon isip “ad interim” o wala pa hingpit nga nakumpirma sa ilang mga pwesto.

Dugang pa ni Castro, negatibo ang bisan unsang “rigodon” o revamp sa pagkakaron tungod kay nakatutok ang administrasyon sa pagpadayon sa ilang mga programa ug serbisyo alang sa katawhan.