Gihisgutan sa pagdungog sa Senado ang trahedya sa barkong MV Trishia Kerstin 3 nga naunlod duol sa Pilas Island sa Basilan niadtong Enero 26.
Sa maong insidente, 18 ang kumpirmadong namatay samtang 10 pa ang padayon nga gipangita.
Gisaway ni Senador Raffy Tulfo ang Maritime Industry Authority tungod sa kakulang sa paspas ug seryosong aksyon, ug giingon nga dili igo ang suspensyon lang sa mga responsable sa hitabo.
Sumala sa senador, ang Aleson Shipping Lines nga tag-iya sa barko naapil na sa 32 ka insidente sa kadagatan sukad 2019, apan walay klarong nanubag niini.
Sa inisyal nga imbestigasyon, posible nga nabungkag ang mga higot sa kargamento nga maoy hinungdan sa pagkawala sa balanse sa barko.
Nanawagan si Tulfo sa MARINA ug Philippine Coast Guard nga magpatuman og mas hugot nga mga patakaran aron masiguro ang kaluwasan sa mga barko ug malikayan ang susama nga trahedya.