Gisiguro sa Energy Task Force Election (ETFE) ang kahimtang sa pagpangandam sa Department of Energy (DOE) sa paghatag ug padayon ug kasaligan nga suplay sa kuryente sa tibuok nasud alang sa umaabot nga lokal ug national nga eleksyon karong Mayo 12.
Matod ni Energy Undersecretary Felix William Fuentebella, andam na ang mga contingency plan ug nagpadayon ang koordinasyon sa ETFE uban sa mga power producers, transmission operators, ug fuel providers aron masiguro ang luwas ug hapsay nga proseso sa eleksyon. Lakip sa mga lakang nga gihimo mao ang inspeksyon ug maintenance sa mga pasilidad sa DOE, pre-election checks sa mga voting ug canvassing centers, ug pagsiguro nga operational ang Uninterruptible Power Supply (UPS) sa Commission on Elections (Comelec).
Kauban sa ETFE sa mga preparasyon ang nagkadaiyang ahensya sa gobyerno ug pribadong sektor, sama sa Philippine Independent Power Producers Association, National Power Corporation, National Grid Corporation of the Philippines (NGCP), Independent Energy Market Operator of the Philippines, National Electrification Administration, National Transmission Corporation, Power Sector Assets and Liabilities Management Corporation, mga generation companies, distribution utilities, electric cooperatives, Philippine National Oil Company (PNOC), ug mga players sa downstream oil industry.
Samtang ,kompiyansa ang DOE nga kaya niini suportahan ang gilauman nga taas nga demand sa kuryente sa wala pa, panahon sa, ug human sa eleksyon sa 2025.