Gipaniguro sa House Committee on Ethics and Privileges nga hatagan gyud og higayon si Cavite 4th District Rep. Kiko Barzaga nga makapatin-aw sa iyang bahin kalabot sa mga ethics complaint nga gipasaka batok kaniya.
Matud sa chairman sa komite nga si 4Ps Party-list Rep. JC Abalos, padalhan na nila og imbitasyon si Barzaga para makaatubang sa hearing nga plano nilang himoon sunod semana.
Kini nga lakang gihimo ni Abalos tungod kay naay pipila ka mga kongresista nga gusto pang pataas-an ang silot ni Barzaga, nga sa pagkakaron suspended na og 60 ka adlaw.
Gitambagan sab ni Rep. Abalos ang mga nagreklamo nga kung duna pa silay dugang nga ebidensya o dokumento, mas maayo nga i-sumite na kini og sayo para dungan kining matubag ni Barzaga sa hearing.