Bug-at nga phone case, gimugna aron sumpoon ang pagka-adik sa smartphone

Usa ka neuroscience startup nga gitawag og Matter Neuroscience ang naghimo og stainless steel phone case nga may gibug-aton nga 2.7 ka kilo.

Gidisenyo kini nga nga dili komportable gamiton aron mapugngan ang sobra nga paggamit o pagka-adik sa smartphone.Ang maong case gilangkuban sa duha ka puthaw nga kinahanglan pang i-tornilyo gamit ang Allen wrench, hinungdan nga bug-at kini ug dili masulod sa bulsa.

Matud sa kompanya, ang gibug-aton ug ang kahasol sa paggunit niini magsilbing pahinumdum sa tag-ya sa cellphone nga undangan na ang paggamit.