Gipasakaan na og kasong murder ang usa ka lalaki human kini masikop sa kapulisan sa usa ka joint operation nga gipahigayon takna alas 5:40 sa hapon sa Barangay Indalasa, Malaybalay City, Bukidnon.
Sumala sa report ni PCOL Oliver Sotto Navales, Provincial Director sa Bukidnon Police Provincial Office, ngadto kang PBGEN Christopher Nortez Abrahano, Regional Director, ang operasyon gipangulohan sa Bukidnon 1st Provincial Mobile Force Company ilawom ni PLTCOL Dave E. Mahilum, kauban ang Malaybalay City Police Station ug ang Bukidnon Provincial Intelligence Unit.
Ang operasyon misangpot sa pagkadakop ni Noe Taghap Suspeñe, 34 anyos, ulitawo, mag-uuma, ug residente sa Barangay Kibongkog, San Fernando, Bukidnon.
Nadakpan kini pinasikad sa warrant of arrest alang sa kasong murder nga naka-docket sa Criminal Case No. 32137-18 nga gipetsahan Mayo 2, 2018, nga adunay rekomendadong bail bond nga nagkantidad og Php120,000.00.