Giawhag ni Pope Leo XIV ang mga obispo sa Pilipinas sa pagpalig-on sa panaghiusa sa Simbahan ug pagtagad alang sa kaayohan sa mga overseas Filipino workers kon OFWs human sa 131st Plenary Assembly sa Catholic Bishops’ Conference of the Philippines kon CBCP.
Sa mensahe nga gipadala ngadto sa CBCP, ang Santo Papa nag-ampo nga ang Balaang Espiritu maggiya sa mga diskusyon ug desisyon sa mga obispo.
Gibasa ni Arsobispo Charles Brown, apostolic nuncio sa Pilipinas, ang mensahe sa Santo Papa sa pagbukas sa plenaryo nga asembliya.
Sa laing bahin, personal nga gipadayag ni Cardinal Pietro Parolin, Vatican Secretary of State, ang pagbati sa Santo Papa ug mihatag sa Apostolic Blessing isip timaan sa panag-ambit ug kalinaw.
Ang mensahe sa Santo Papa nagpasiugda sa kahimtang sa minilyon nga mga Pilipino nga nagtrabaho sa gawas sa nasud, ug nag-awhag sa mga magtutuo sa pag-atiman sa usag usa ug pagpaambit sa mga pag-ampo, ug pag-alagad sa mas lapad nga Kristohanong komunidad.