Nagpabilin sa titulo sa pagkakampyeonato sa WBA (Super), WBC, IBF, WBO, ug The Ring super bantamweight champion si Naoya Inoue pinaagi sa 8 round technical knockout batok kang Mexican boxer Ramon Cardenas .
Sa ikaduhang round, naigo sa left-hook ni Cardenas si Inoue nga diretso tugpa sa nawong niiini apan mibawi kini og gipamatud-an ang titulo sa pagkakampyon og midaog pinaagi sa technical knockout.
Ang 25 ka sunod-sunod nga duwa ni Inoue halos championship fights, sugod pa sa iyang unang title fight niadtong Abril 2014.
Samtang si Cardenas misulod sa duwa human midaog sa iyang 14 ka sunod-sunod nga mga laban ug nahan-ay na alang sa iyang unang higayon nga title shot.
Ang iyang pinakahuling kadaugan mao ang unanimous decision batok kang Bryan Acosta niadtong Pebrero 25.    Â