Nakahiagom og 10 ka samad-dinunggaban ang usa ka harvester gumikan na pakyas kini sa pagbayad sa utang sa tukmang panahon sa Purok 7, Sayre Highway, Barangay Bagontaas, Valencia City, Bukidnon.
Base sa impormasyon nga nakalap, nakadawt og tawag ang kapulisan kabahin sa insidente sa pagpangdunggab.
Giila ang biktima sa alyas “Toper”, 51 anyos, minyo, ug residente sa Purok 13, Barangay Bagontaas, Valencia City, samtang ang suspek nailhan sa alyas nga “Benedicto” 52 anyos.
Gikaingong samtang nagpagasolina ang biktima sa motorsiklo niini, miabot usab ang suspect sakay usab sa motorsiklo ug gikaingong miduol sa biktima ug nangil sa utang niini nga P300.
Gikaingong nagdumili usa ang biktima sa pagbayad ug miluwat nga bayaran kini sunod semana.
Apan kalit na lamang kini gidunggab sa suspek.
Dali kining gidala sa balay tambalanan ug kasamtangang nagpaalim sa naangkon nga 10 ka samad dinunggaban.
Hinuon, nadakpan na usab ang suspek ug anaa na sa kustodiya sa Valencia City Police Station lakip na ang narekober nga kutsilyo niini alang sa hustong disposasyon.
Kahinumdoman nga nahitabo ang maong insidente kagahapong adlawa, Enero 25, 2026, alas 4:00 sa hapon.