Alex Eala, makigsangka kang Alina Charaeva sa Round of 32 sa Philippine Women’s Open

Andam na ang Pinay tennis ace nga si Alex Eala sa pag-atubang sa Russian nga si Alina Charaeva sa Round of 32 sa Philippine Women’s Open karong Lunes, Enero 26, didto sa Rizal Memorial Tennis Center.

Si Eala, nga kasamtangang World No. 49, nagtinguha nga makabawos human siya mapildi ni Charaeva niadtong 2020 didto sa Spain. Gawas ni Eala, mopakita sab og aksyon ang mga Pinay wildcard entries nga sila si Elizabeth Abarquez, Kaye Ann Emana, ug Tenny Madis.

Gilauman ang dako nga suporta gikan sa mga lokal nga fans alang sa kampanya sa mga pambato sa nasud niining makasaysayanong WTA 125 tournament.