Hugot nga gikondina ni Vice President Sara Duterte ang nahitabong pagpang-ambush sa usa ka pundok sa mga terorista didto sa Munai, Lanao del Norte, diin upat ka mga sundalo ang namatay.
Sa gipagawas nga pamahayag sa Bise Presidente, giingon niini nga ang maong panghitabo usa ka dakong hagit sa estado, kalinaw ug seguridad. nawagan usab si VP Sara sa mga hingtungdang ahensya sa kagamhanan nga dili muondan hangtud mahatagan og hustisya ang kamatayon sa upat ka mga sundalo.
Gawas niini, kinahanglan pa nga masiguro ang kaluwasan sa tanang katawhan batok sa hulga sa mga kriminal, terorista ug uban pang mga dautang elemento nga nagtinguha sa pagpanghadlok.
Dugang pa niini, gikinahanglan ang pagtinabangay sa matag usa tungod kay ang peace and order maoy pundasyon sa kagawasan ug kalambuan sa nasud.
Nipadayag usab og pahasubo ang Bise Presidente sa pamilya sa mga namatay nga sundalo ug sa tibuok Armed Forces of the Philippines.(AFP)