Nagkaylap karon ang mga espekulasyon sa publiko human sa gipaguwa nga pamahayag ni Senador Sherwin “Win” Gatchalian diin matud pa niini nga “non-existent” ang lovelife niini sa dihang gipangutana kabahin sa personal nga kinabuhi.
Apan taliwala niini, wala kini direktang miangkon nga nagbulag na kini sa karelasyon nga aktres nga si Bianca Manalo.
Giisip lamang sa kadaghanan ang maong pamahayag isip timailhan nga wala na kasamtangang relasyon.
Matud pa, kanunay nga nagapabilin si Gatchalian nga hilom ug istrikto sa paghisgot sa pribadong kinabuhi, ug sa miaging mga higayon mipili kini nga dili motubag sa mga pangutana nga adunay kalabotan sa romantikong kahimtangan.
Sa pagkakaron, wala pa’y opisyal nga pahayag gikan kang Gatchalian o Manalo nga nagkumpirma sa pagbulag, hinungdan nga magpabilin gihapon ang hungihong sa publiko.