Mitubag na si suspended Cavite Representative Francisco “Kiko” Barzaga sa mga reklamong gipasaka batok kaniya sa PNP-Criminal Investigation and Detection Group (CIDG). Niadtong Huwebes, Enero 22, 2026, giduso ni Barzaga ang iyang counter-affidavit diin iyang gihimong basehan ang “freedom of speech” o katungod sa gawasnong pagpadayag batok sa kasong inciting to sedition ug pagprotesta nga walay permit.
Sumala ni Barzaga, ang kasong sedisyon nagsumikad sa iyang mga komento bahin sa posibleng pagbulag o secession sa Mindanao, samtang ang reklamo sa ilegal nga rally naglambigit sa nahitabong protesta sa gawas sa Forbes Park sa miaging tuig. Gipahayag sa kongresista nga walay nahitabong pagpamintas sa maong protesta ug walay lig-on nga rason nga tuhoan nga duna siyay kriminal nga intensyon.
Nagpabilin nga masaligon si Barzaga nga mabasura ang maong mga reklamo sa lebel pa lang sa piskalya. Gidugang usab niya nga kon ugaling moabot man kini sa korte, andam na ang iyang kampo alang sa iyang legal nga depensa.